ചുവപ്പ്
--------
ചുവപ്പിനോടാണെനിക്കിഷ്ടം.
ഒന്‍പതില്‍ പഠിക്കുമ്പോള്‍
കാലം എന്‍റെ വെളുത്ത പാവാടയില്‍
ചുവന്ന പൂക്കള്‍ വരച്ചു.
അന്ന് മുതല്‍ ചുവപ്പിനെ പേടിച്ചു.
പിന്നീടെപ്പോഴോ
ചുണ്ടില്‍ ചുവന്ന തീക്കുണ്ടുമായ്
അയാള്‍ മുന്നില്‍ വന്നപ്പോള്‍
ചുവപ്പിനെ സ്നേഹിച്ചു തുടങ്ങി.
കടല്‍ക്കരയില്‍ അസ്തമയസൂര്യന്റെ
ചുവപ്പ് കാണുവാന്‍ വേണ്ടി മാത്രം
അയാള്‍ക്കൊപ്പം കൂടി...കടല കൊറിച്ചു.
ഓടിത്തളര്‍ന്ന വണ്ടിക്കാളയെ പോലെ
അസ്തമിക്കാറായ സൂര്യനെ
ആവേശത്താല്‍ വിഴുങ്ങുന്ന കടലും
അലിഞ്ഞലിഞ്ഞ് ഇല്ലാതാവുന്ന
അവസാന സൂര്യരശ്മിയെയും
വല്ലാത്തൊരു നിര്‍തിവൃതിയോടെ നോക്കി നിന്നു.
അസ്തമയ സൂര്യനൊപ്പം
അയാളും അപ്രത്യക്ഷനായപ്പോള്‍
താഴെ , നഷ്ടസ്വപ്നങ്ങളുടെ ബാക്കിപോലെ
അയാളുടെ ചുണ്ടില്‍ നിന്നു വീണ
അടര്‍ന്ന ചാരക്കഷണങ്ങള്‍ മാത്രം.
****
എലിസബത്ത്‌ സെബാസ്റ്റ്യന്‍
--------
ചുവപ്പിനോടാണെനിക്കിഷ്ടം.
ഒന്‍പതില്‍ പഠിക്കുമ്പോള്‍
കാലം എന്‍റെ വെളുത്ത പാവാടയില്‍
ചുവന്ന പൂക്കള്‍ വരച്ചു.
അന്ന് മുതല്‍ ചുവപ്പിനെ പേടിച്ചു.
പിന്നീടെപ്പോഴോ
ചുണ്ടില്‍ ചുവന്ന തീക്കുണ്ടുമായ്
അയാള്‍ മുന്നില്‍ വന്നപ്പോള്‍
ചുവപ്പിനെ സ്നേഹിച്ചു തുടങ്ങി.
കടല്‍ക്കരയില്‍ അസ്തമയസൂര്യന്റെ
ചുവപ്പ് കാണുവാന്‍ വേണ്ടി മാത്രം
അയാള്‍ക്കൊപ്പം കൂടി...കടല കൊറിച്ചു.
ഓടിത്തളര്‍ന്ന വണ്ടിക്കാളയെ പോലെ
അസ്തമിക്കാറായ സൂര്യനെ
ആവേശത്താല്‍ വിഴുങ്ങുന്ന കടലും
അലിഞ്ഞലിഞ്ഞ് ഇല്ലാതാവുന്ന
അവസാന സൂര്യരശ്മിയെയും
വല്ലാത്തൊരു നിര്‍തിവൃതിയോടെ നോക്കി നിന്നു.
അസ്തമയ സൂര്യനൊപ്പം
അയാളും അപ്രത്യക്ഷനായപ്പോള്‍
താഴെ , നഷ്ടസ്വപ്നങ്ങളുടെ ബാക്കിപോലെ
അയാളുടെ ചുണ്ടില്‍ നിന്നു വീണ
അടര്‍ന്ന ചാരക്കഷണങ്ങള്‍ മാത്രം.
****
എലിസബത്ത്‌ സെബാസ്റ്റ്യന്‍
No comments:
Post a Comment