സ്വാതന്ത്ര്യത്തെ കുറിച്ച്
ഞാനെഴുതിയ
ആറുവരി കവിത
അച്ചനെടുത്ത് കത്തിച്ചു
ആ ചിതാ ഭസ്മം
ഞാനൊരുക്കന്‍
ഭരണിയിലിട്ട് സുക്ഷിച്ചു
അതിന്റെ ഗന്ധം
വീടാകെ പൊതിഞ്ഞ് കവിഞ്ഞ്
അയല്‍പക്കത്തെക്ക് പടര്‍ന്നു
അവിടത്തെ ആനിപെണ്ണിന്
വെളിപാടുണ്ടായി
ഞങ്ങള്‍ പ്രേമിച്ച് പുളച്ച് നടന്നു
മാന്ചോടുകളില്‍ ഒളിച്ചു
പാറമടകളില്‍ അലിഞ്ഞു
ഇന്നത്തെ അവിരാമമായ മൗനത്തില്‍
ആ പഴയ ഭരണിയെ കുറിച്ച് ഒന്നോര്‍ക്കാന്‍
അശക്തനായ ഒരുവന്‍
പാടുപെടുന്നത് കണ്ട്
ഞാന്‍ ഊറി ഊറി ചിരിക്കുന്നു
No comments:
Post a Comment