വിറങ്ങലിച്ച് മരിച്ചവൻ
പുതയ്ക്കാതെ പോയ
തണുപ്പോ....
-----------------------------------------


എത്ര പിടിച്ച് കെട്ടിയാലും
കുതറിയോടുന്ന
വാക്കാണ് ജീവിതം...

-----------------------------------------


ഈ മലയെ ചുംബിച്ചു
കടന്നുപോയ പുഴ 
ഏത് കടലാഴത്തിലാണ്
ഒളിച്ചിരിക്കുന്നത്...
--------------------------------------

ഭൂമി നിറയെ പൂക്കൾ
എന്റ്റെയീ,
കൈക്കുടന്നയിലെത്ര കൊള്ളും.
ഭൂമി നിറയെ പ്രണയം,
ഒരു പെണ്ണിന്റ്റെ 
കണ്ണിലെത്ര കൊള്ളും.
ഭൂമി നിറയെ കാമം,
ഒരാണിന്റ്റെ ചങ്കിലെത്ര കൊള്ളും.
ഭൂമി നിറയെ ജീവിതം,
ഒരസ്ഥിക്കുടുക്കയിലെത്ര കൊള്ളും.

-ഛായാമുഖി -

-----------------------------------------